| Profil von 玉石拖鞋话剧天地FotosBlogListen |  Extras  Hilfe |
话剧天地
16 Juli 新时期 好耐～好耐～无系度写野了～懒开就唔想旭～呢段日子发生左好多好多的事～毕业典礼、毕业展、稳工、世界杯、同埋终于稳到个满意的女友仔（难得）。接下来，就系进入一个新时期啦！听日开始我就要开始上班啦～份工总算系自己都比较满意的，要努力做好佢！一切都随开始工作进入一个新时期啦！ 31 Mai 命硬 哈哈哈～竟然仲唔死得！真系命硬啊！竟然地狱式奋斗左成个月，最后一个星期平均睡眠时间得3个钟的情况下，我都仲有命挨完个毕业设计！真系太好彩啦！哈～哈～最后果晚，做到深夜我开始有幻觉添啊！见到有个细路女坐系我隔离睇我画图！你话惊唔惊～哈～哈～
毕业设计总算过去啦！又开始有新的任务啦——稳工啦！ 20 Mai 四年黎最紧张的一日 今日系我地论文答辩的大日子！一早就起身搭车翻大学城～系车度一直系甘急尿！真系感觉好似翻到四年前高考甘～紧张的症状有：手心出汗；脚软；急屎；口窒……总之任何紧张的症状我都集齐晒，简直多到可以拿出去卖！不过短短的20分钟的答辩时间好快就过去～虽然极度紧张，但总算过左，都唔至于失礼街坊的，老师的评价都唔算差～点解甘紧张？可能系自己觉得答辩系四年里头最重要的其中一刻挂！总之今日就真系好难忘～因为好少情况会甘紧张！同女仔表白都无甘紧张啊！哈～哈～ 25 April 演员唔易做 今日终于第一次正正式式做电视广告的演员，原黎同舞台剧演员有好大唔同嘎！首先就系演绎唔可以甘夸张，呢点我都真系唔系甘习惯，其次就系有无限次NG！因为之前我地无点记对白，所以开镜的时候就经常唔记得对白，同埋讲错对白！哈～哈～不过其实甘系最好玩的。不过由于时间关系，我地都拍得好赶，因为如此，所以令到我地原本都应该累到扒街的依嘎更扒街！累到颠！
终于感受到原黎做演员并唔系讲甘简单！虽然真系好累，不过我却分外珍惜呢份辛苦、疲倦。因为我知道，甘的机会可能一世人只有一次，所以我已经尽力做到最好！好好享受做演员，带俾我的乐趣！ 12 April 就黎要痴线 毕业设计～毕业论文～毕业设计～毕业论文～毕业设计～毕业论文～毕业设计～毕业论文……救命啊！我就黎颠啦！日日个脑就要林呢D野！日头林我觉得都可能算正常的，但系问题系，我连晚黑发梦都系到林方案啊！救命啊！再系甘落去我林我真系迟早会痴线嘎！系米要稳个心理医生俾我睇下呢？ 07 April 毕业前综合症 仲有两个月就毕业啦！唉～过完年到依嘎呢个几两个月黎我都总系闷闷不乐，发觉自己患上左一个病——毕业前综合症，症状：心烦、心散、容易放弃、怕寂寞、集中唔到精神、想稳人依靠、爱幻想、逃避现实、容易上火……
医生，我仲有无得救啊？ 03 April 心散 从开始做毕业设计到依嘎已经过左个半月，即系时间已经过左一半，虽然我都知道时间好紧，论文仲有唔够一个月就要交，设计仲有唔够两个月要结束！但系发觉好似无做过D乜，总系提唔起状态，发觉自己好似系度逃避，唉～有无人可以改变我依嘎甘心散的状态啊？我需要一个可以改变我的人！ 18 März 缘－－完 都有一段时间无系度写野了，其实我一直都想写，只系可能系时间问题，可能系无咩好的话题好写，所以一直都无写。
唔知你信唔信缘的呢？我本人就好信，系人海茫茫里面想遇到一个人真系唔容易，如果要认识就更加难啦，因为当中要有认识的桥梁，无左呢条桥梁，最多都只会系身边擦身而过的路人，可能一辈子会系你身边行过好几十次，但彼此始终都只系陌路人。有缘千里能相会，无缘对面不相逢。两个人之间的缘分可能会系天长地久，但亦可能会系过眼云烟，黎得好短暂，一眨眼，“缘”就会变成“完”！
好好珍惜身边人啦！甘如果无得俾你珍惜呢？ 03 März 应该见识下 “男人就应该见识广！”呢句话，我不嬲都120％赞同，我都觉得男人要有安全感，见识系好紧要的一部份。所以我成日都甘同自己讲鞭策自己嘎！“睇书”系一个增长知识的好好途径，自己细个唔识野，唔钟意睇书，得到大个发现呢个问题之后就后悔以前唔扎紧时间睇多D书！唉～“书中自有黄金屋，书中自有颜如玉”ER……请问我要颜如玉得唔得啊？哈！
又有人讲：“读万卷书，不如行万里路”！岩！出去感受一下总好过你督住本书睇十次，好多野系要自己亲身体会的，因为好多野系只能意会，而不能言传的，今日又有机会去湖南湘西啦！虽然要用唔少钱，但系学到野翻黎，点讲都值的，所以一定要睇多D，学多D！ 24 Februar 青春无敌 敢作敢为 今日突然发觉有一样野，系老左之后唔会做，或者唔可以做！你知唔知系乜？就系漫无目的甘系条路到跑，不停甘向前跑，穿梭系车水马龙、络绎不绝的人群当中。我知道如果我系呢一两年唔做呢样野的话，过几年之后我系无可能甘做，因为到时会无左后生仔果种大无畏的动力去支持你甘做。 14 Februar 2月14，见到你 大日子喔！2月14喔！咩日子？米人地的情人节罗，有人两小无猜去旅行；有人拿住扎花周街示威；有人去吃D贵夹唔饱的浪漫晚餐；有人特登着到靓一靓，系条街周围走；亦有人哩埋系屋企唔敢出门口，费事眼冤喔。火星玲讲得岩，今日如果系同姓行系条街到行会好丑，哈！我今日都自己一个人出街行左下，特登留意一下身边行过的连体婴，哇！个个都痴实晒！D502真系劲！都岩的，一年里面就算几忙、几实际、几低调都好，最起码要浪漫、情调番几日，今日就尤其重要啦！我觉得呢日向对方表示一下，系对对方的一种尊重，如果你的另一半同你讲：“我地日日都系情人节，唔使理咩2月14的！”哈！恭喜你，你可以飞左佢啦！因为甘讲的人，证明佢并唔在乎你，甘讲只系佢为佢自己稳紧一个好听D的借口咋！千其米做傻仔傻女啊！
我虽然继续系过没有情人的情人节，但系因为有D意外的惊喜，令我觉得今年个2月14都好开心！最起码有一份意外的礼物。 04 Februar 物极必反？ 唔知你觉唔觉得，社会越发展就越退步，以前餐餐都想大鱼大肉，好啦，当依嘎条件允许啦！有鱼有肉吃的时候，最抢手的竟然会系青菜，个个都开口埋口都话素食素食，吃野菜、减少食肉！仲有一个更夸张的现状就系，唔知你发唔发现，依嘎系条街上面周围都见到D狗周围走～喂！大佬啊！呢个唔系以前系乡下先会发生嘎咩，点解依嘎大城市会发展成甘嘎～越黎越向农村睇齐的！唉～离谱！ 03 Februar 当过年已成一种模式 又过一个春节啦！年尾行下花街，都系做下灯胆，同我男友、我男友的女友三个人行～唉～～如果唔系果晚出去吃饭都唔会做呢个100火灯胆啊！初一初二初三初四初五……日日都系甘～年年都系去下D亲戚到吃吃吃吃吃吃吃吃～一味就系系到养猪！过年周围吃饭已经系一种模式！几时先可以改变一下呢？ 06 Januar 最后一堂课 今日天气好冻，我林我早上起身翻学的时候温度唔会有十度，但系因为今日系我人生里头读书时期里面最后一节课，所以我虽然眼训，天气又冻到傻，但系都系冒着严寒准时翻到学校上课。其实今日的课无咩特别，只系意义上自己觉得今日系一个值得纪念的日子。眨下眼，时间又过左16年噜～我的翻学上课的光阴终于画上一个句号了，好唔舍得～ 01 Januar 平淡地迎接20062006年啦！时间真系过得好快好快！甘快又一年啦～林番起真系好似前几日的事！上年的依个时候我仲系中华广场同一大班人玩倒数！今年我就一个人哩系间房默默渡过！05年有开心的事，亦都有唔开心的事，不过开心的事总算俾唔开心的事要多！起码其中又识到一班新朋友啦！里面紧系有你……你……仲有你……哈！希望新的一年可以更开心更快乐啦！ 24 Dezember 一个人的平安夜 今年继续系一个人哩埋系屋企渡过平安夜！平安夜一切都好静，就连我QQ里面都数埋唔够十个人！唉～算啦！都惯嘎啦～开始习惯一个人的圣诞噜！不过其实圣诞节都唔属于我的，系D情侣先会忙于过嘎姐～换着系我，米又唔系一日24小时甘渡过！
好！祝大家圣诞快乐！平安夜注意平安啦！ 20 Dezember 当嘛勒佬见到嘛勒佬 果日同班Friend去隔离广大吃饭，一切都好正常！但系当我地吃完饭落到一楼水果档睇水果的时候！我不经意间一望后面张台！哇～见到一班嘛勒佬排排坐左系后面，个个的眼神都系一致的，只眼发晒青光，个口“O”字型打开，系嘴边仲不停流出滔滔的口水，部份仲猖狂到指住我两个靓女Friend！真系好想即时拿出相机影晒佢地个嘛勒样落黎！一向我都以为甘的情景只可以系电视先会见到，估唔到现实中真系有D甘夸张的表情，仲要系一班人同时都系甘的一个表情！唉～男人真系见到靓女就失控！
由此引出，女人遇到甘的情况，佢地的虚荣心又点会唔日益壮大啊！ 06 November 甜到笑 今日终于完左一个期待以久的心愿，换黎的系一个惊喜！注意！系惊喜！惊＝吃惊，喜＝开心！哈～～我会彻彻底底记住呢一刻。
好耐无试过开心到不知不觉笑出黎啦！虽然我知道唔可以一厢情愿，但系起码系呢一刻，我真系开心到飘飘然～ 23 Oktober 女人总系习惯善变女人真系好善变，琴日巨可能系一个样，但系到左今日，巨已经变为另一个样啦！俗语讲得好岩，“女人心，海底针！”男人系永远估唔到巨会变成点嘎！
今日，我又再一次深刻体会到了！虽然只系一件小事，但系都多多少少令我感到失望，或许我又一次理所当然啦！女人的事，我觉得唔可以用我的观点去估计的，我决定以后唔再去估计女人的林法！因为最后换黎的只系失望！令到自己唔开心！ 22 Oktober 英雄唔易做 今日发生左一件好突然的事，件事系甘的：今日星期五，我同埋几个同学一齐坐203番出大学城，去到琶洲站，突然听到有个女仔大叫，“啊～啊～啊～”叫左好多声，我地望左过去一睇，原黎有人系到抢野，到我同埋个同学就即刻伸手过去拉住个贼啦！（因为就系我地隔离）点知，一睇个贼后面有成五、六个彪形大汉，“哇！！！”我即刻缩手，怕鬼左后面D大汉整刀我啊！最后由于无人见义勇为，班贼就甘逃之夭夭啦！
唉～事后我同个同学个心都好难受，见到甘的情况，自己又制止唔到，帮唔到个女仔！原黎英雄真系唔易做嘎！ 15 Oktober 完结——无悔 经过六个星期的艰苦奋斗，我的漆画选修终于告一段落啦！系呢六个星期里面，我日日泡系画室，以为我知道我要珍惜呢种生活状态，我知呢种状态以后唔好再有，从中我系里面识左一班朋友，大家从唔识到识，呢种感觉我就最喜欢嘎啦！我所画的几张漆画，我都好喜欢！好开心甘渡过左一个选修课程！我所有的选修课我都上晒啦！我选左包装、岩彩、编排、扎染、蜡染、漆画，各有各难忘之处，所有我都感到无悔！
嗯～顿时有种幸福的感觉！ 23 September 又遇高妹 唔经唔觉，开左学已经三个星期啦！时间过得真系好快！越唔想甘快，巨就过得越快！开学至今都系上选修课，我系选左我最后的六分——漆画！虽然好麻烦！但系的确几过瘾，我无后悔选左巨，好好玩～我要好好享受最后一年的校园生活啦！兢兢业业做到最好！所以系之前的一个星期里面！我的生活都无比规律，一早起身就翻去课室画画，画到中午12点就去吃个饭，吃完有翻去画，画～画～画～画到6点放饭，吃完饭见翻宿舍无野做，就继续翻去画！画到10点几就放工！翻去冲个凉就训啦！对住幅画一日真系好累！生活过得好充实！
上漆画有趣的事又发生啦！班上面竟然有成半人以上系大四！哈～真系唔通系老人兴趣班？仲有啊！我又同高妹一齐选修啦！ 04 September 简简单单一句“生日快乐”，已经足够！生日想要咩？唔使咩嘎！只要D朋友同自己一齐，开开心心吹吹水！同自己讲句“生日快乐！”甘其实已经好足够嘎啦！唔使搞咩嘎啦！讲心嘎嘛！今年我要过得好幸福！好快乐！我生日的愿望系：有十个生日愿望！哈～～～～～～ |
|
|||||
|
|
